World Elephants Day 🐘

 

ఏనుగమ్మ ఏనుగు ఎంత పెద్దదమ్మ ఏనుగు - వరల్డ్‌ ఎలిఫెంట్‌ డే 🐘

 

🐘పిల్లలను ‘ఇ’ ఫర్‌ అని అడగ్గానే ‘ఎలిఫెంట్‌’ అని ఠక్కున చెబుతారు. ఆకారంలో పెద్దగా ఉన్నా పిల్లలు బాగా ఇష్టపడే జంతువు ఏనుగు. భూమిపై నివసిస్తున్న అతి పెద్ద క్షీరదం ఏనుగు. మరి ఈ రోజు ‘వరల్డ్‌ ఎలిఫెంట్‌ డే’జరుపుకుంటున్న సందర్భంగా ఏనుగు గురించి విశేషాలు తెలుసుకుందామా!

 

🐘వరల్డ్‌ ఎలిఫెంట్‌ డే🐘

 

🐘ఆసియా, ఆఫ్రికా ఖండాల్లో ఏనుగులు ఎక్కువ కనిపిస్తాయి. ఆసియా ఖండంలో కనిపించే ఏనుగులతో పోల్చితే ఆఫ్రికా ఏనుగులు పెద్దగా ఉంటాయి.

 

🐘పెద్ద ఏనుగులు 2.5 నుంచి 6 టన్నుల వరకు బరువుంటాయి. పిల్ల ఏనుగులు సుమారు 90 కేజీల బరువుతో పుడతాయి.ఏనుగులు గుంపుగా ప్రయాణిస్తాయి. ఒక గుంపులో కనీసం 10 ఏనుగులుంటాయి. ఆ గుంపుకు ఆడ ఏనుగు నాయకత్వం వహిస్తుంది.ఇవి మొక్కలు, కూరగాయలు, గడ్డి, ఆకులు, పండ్లు తింటాయి. మాంసం ముట్టవు. ఏనుగు రోజులో 16 గంటలు తినడానికే కేటాయిస్తుంది.పెద్ద ఏనుగులు 130 నుంచి 250 కేజీల వరకు ఆహారాన్ని తీసుకుంటాయి. ప్రతిరోజూ 150 నుంచి 190 లీటర్ల నీటిని తాగుతాయి. ఈత కొట్టడాన్ని ఇష్టపడతాయి. అలాగే రోజూ రెండు గంటలు నిద్రపోతాయి.ఏనుగు అనగానే తొండం గుర్తుకొస్తుంది. ఈ తొండం ముక్కుగానూ పనిచేస్తుంది. ఏనుగు ఒక పదార్థం సైజును, ఉష్ణోగ్రతను తొండంతో గుర్తిస్తుంది. ఏనుగు తొండం రెండు మీటర్ల పొడవు వరకు పెరుగుతుంది. లక్షకు పైగా కండరాలతో ఇది నిర్మితమై ఉంటుంది. ఎముకలు ఉండవు.ఏనుగు 60 నుంచి 70 ఏళ్ల పాటు జీవిస్తుంది. గంటకు 45 కి.మీ వేగంతో పరుగెత్తగలదు.ఏనుగులు ఒక రకమైన శబ్దాలను చేయడం ద్వారా సంభాషించుకుంటాయని ఇటీవలి పరిశోధనల్లో వెల్లడయింది.ఠి ఏనుగు గర్భధారణ కాలం 22 నెలలు ఉంటుంది. ఇతర ఏ జంతువు గర్భధారణ కాలం ఇంత ఉండదు.ఏనుగు చెవులు సంక్లిష్టమైన రక్తనాళ వ్యవస్థను కలిగి ఉంటాయి. ఇవి ఉష్ణోగ్రతను నియంత్రిస్తాయి.జంతువులలో తెలివైనది ఏనుగు. దీని మెదడు బరువు 5 కేజీల వరకు ఉంటుంది. మరే జంతువూ ఇంత బరువున్న మెదడు కలిగి లేదు.ఏనుగుల్లో వృషణాలు శరీరం లోపల ఉంటాయి. అంతేకాకుండా భూమిపై మరే జంతువుకూ లేనంత వాసనను గ్రహించే శక్తి ఏనుగులకు ఉంటుంది.ఏనుగులకు పొడవైన దంతాలుంటాయి. ఇతర జంతువుల బారి నుంచి రక్షించుకోవడానికి, ఆహారం కోసం ఈ దంతాలను ఉపయోగించుకుంటాయి.

' క ' ప్రారంభాక్షర గేయం

 అంశం: బాలసాహిత్యం.

' క ' ప్రారంభాక్షర గేయం

కమలా..విమలా..రారే !!

కవితా ..వనితా… రారే !!

కలసి ఉందాం…. రారే..!!

కలిసే తిందాం…..రారే..!!

కమ్మని పాటలు పాడేద్దాం!

కలిసి ఆటలు ఆడేద్దాం!

కలహమన్నదే లేకుండా,

కన్నవారిని మురిపిద్దాం !!

కలిమి, బలిమి ఏదైనా 

కలుపుగోలుగా ఉందాము,

కసురు,విసురు లేకుండా

కలలను నిజం చేద్దాము!!

స్వీయరచన: 

శ్రీదేవిప్రభాకర్ తంత్రవహి

హైదరాబాద్.

బుజ్జాయి నవ్వు

 

తారంగ తారంగం

  బాలల గేయం

      --------------------

 తారంగ  తారంగం

తాండవ కృష్ణా తారంగం

వేణూ నాధా తారంగం

వెంకట రమణా తారంగం

గోపీ నాధా తారంగం

గోవుల పాలక తారంగం

నంద నందనా తారంగం

నవనీత చోరా తారంగం

వేణు గానా తారంగం

వెన్నల దొంగా తారం

కొంటె కృష్ణుడా తారంగం

కోకల దొంగా తారంగం

ముద్దుల కృష్ణా తారంగం

మోహన వంశీ తారంగం

తారంగం తారంగం

తాండవ కృష్ణా తారంగం

అమ్మకు మీసం లేదు

 అమ్మకు మీసం లేదు

అమ్మకు మీసం లేదు

నాకు ముద్దు పెడుతుంది

ఎంతో

మెత్త గుంటుంది...

నాన్నమ్మకు మీసం లేదు

నాకు ముద్దు పెడుతుంది

ఎంతో

మెత్త గుంటుంది...

తాతికి మీసం లేదు

నాకు ముద్దు పెడుతుంది

ఎంతో

మెత్త గుంటుంది...

తాతకు మీసం ఉంది

నాకు ముద్దు పెడతాడు

ఎంతో

గుచ్చు కుంటుంది...

నాకు మీసం లేదు

నేనే ముద్దు పెడతాను

ఎంతో

మెత్త గుంటుంది...

జులై 30

 చరిత్రలో ఈ రోజు🌎 

🐚  జులై 30  🐚 

గ్రెగొరియన్‌ క్యాలెండర్‌ ప్రకారము సంవత్సరములో 211వ రోజు (లీపు సంవత్సరములో 212వ రోజు ). సంవత్సరాంతమునకు ఇంకా 154 రోజులు మిగిలినవి.

📀 సంఘటనలు 📀 

762: బాగ్దాద్ నగరం స్థాపించబడింది.

1991: చారిత్రక స్టార్ట్ ఒప్పందంపై అమెరికా, రష్యా అధ్యక్షులు జార్జి బుష్, మిఖాయీల్ గోర్భచెవ్‌లు సంతకాలు చేశారు.

2013: ప్రత్యేక తెలంగాణ రాష్ట్రం ఏర్పాటుకు కాంగ్రెస్ వర్కింగ్ కమిటి ఆమోదం తెలిపింది.

*🎂🍬 జననాలు 🍬🎂

1854: వడ్డాది సుబ్బారాయుడు, తొలి తెలుగు నాటకకర్త. (మ.1938)

1896: పండిత గోపదేవ్, సంస్కృతములో మహాపండితుడు, ఆర్యసమాజ స్థాపకుడు, వైదికథర్మ ప్రచారకుడు, దార్శనికవేత్త, కళాప్రపూర్ణ బిరుదాంకితుడు. (మ.1996)

1922: రావిశాస్త్రి, న్యాయవాది, రచయిత. (మ.1993)

1931: పులికంటి కృష్ణారెడ్డి, కథకుడు, కవి, రంగస్థల కళాకారుడు, బుర్రకథ గాయకుడు. (మ.2007)

1939: గోపరాజు సమరం, వైద్యనిపుణుడు, సంఘ సేవకుడు, రచయిత.

1945: దేవదాస్ కనకాల, నటుడు, దర్శకుడు, నట శిక్షకుడు. (మ.2019)

🪔 మరణాలు 🪔 

2007: ఇంగ్మార్ బెర్గ్మాన్, స్వీడిష్ దర్శకుడు. (జ.1918)

ప గుణింతం తో పాట

 ప గుణింతం తో పాట

పలక కొన్నాను

పాపకి ఇచ్చాను

పిచ్చిగీతలు గీసింది

పీచుతో తుడిచింది

పువ్వులు అమ్మాకొన్నాది

పూలజడవేసింది

పెట్టెలోహారం వేసింది

పేసుకి పౌడర్ పూసింది

పైకి వచ్చి చూపించింది

పొరుగు వారు మెచ్చేరు

పోలేరమ్మకు మొక్కింది

పౌర్ణిమ నాడు గుడికి వెల్లింది

పండు కాయ నైవేద్యం పెట్టింది

చల్లగ చూడమని మొక్కింది