అందరమూ ఒకటే
అందరమూ ఒకటే-
మనమందరమూ ఒకటే
మన మందిరమూ ఒకటే
మన మందిరమూ ఒకటే
అందరి చరిత్ర ఒకటే
అందరి ప్రవర్తనొకటే!
భావిచరిత్ర వర్తనమంతా
ఒకటేనంటూ రాయుదుమింక ।అందరమూ ।
మతములు వేరు మనుగడ ఒకటే
జాతులు వేరు నీతులు ఒకటే
మతములు జాతులు వేరుగనున్నా
భారతీయమది అందరిదీ ।అందరమూ ।
భాషలు వేరు! భావములొకటే
భాషలతల్లి! సంస్కృతమొకటే
భాష భావముల భేదములున్నా
భారత హృదయము అంతా ఒకటే ।అందరమూ ।
విద్యలు ఒకటే! కళలు ఒకటే
వినోద విజ్ఞానమ్ములు ఒకటే
భిన్నత్వమ్మున ఏకత్వమ్మలె
వివిధ భారతి హృదయమ్మొక్కటే ।అందరమూ ।
